WAHITIMU KIDATO CHA NNE WAPEWA RAI

Yaliyomo humu (Habari, Matangazo na Maoni) si msimamo wa BMG Media. Mawasiliano +255 757 432 694 ama ripotabmg@gmail.com

Wahitimu wa kidato cha nne nchini wametakiwa kufanya maamuzi sahihi ikiwemo kuchagua kujiunga na vyuo vitakavyowapa ujuzi utakaowasaidia kukabiliana na changamoto ya ajira.

Rai hiyo imetolewa na Mkuu wa Chuo Taaluma kutoka Chuo cha Maendeleo ya Jamii Ufundi, Misungwi CDTTI, Dongo Nzori wakati alipokuwa mgeni rasmi katika mahafali ya 35 ya kidato cha nne Shule ya Wasichana Bukumbi iliyopo Misungwi mkoani Mwanza, yaliyofanyika Jumamosi Novemba 29, 2025.

Nzori amesema wahitimu wa kidato cha nne wakipata elimu ya ujuzi katika fani mbalimbali ikiwemo ufundi wanaweza kuajiriwa na kujiajiri na hivyo kukabiliana na changamoto ya uhaba wa ajira nchini.

Naye Mwalimu Mkuu wa Shule hiyo ya Sekondari ya Wasichana Bukumbi, Sr. Eunice Ndolo amesema wanafunzi 35 wamehitimu mwaka huu shuleni hapo kwamba shule inaweka mikakati ya kuboresha mazingira ya wanafunzi kujifunza fani mbalimbali ikiwemo kilimo, ufugaji, computer, ufundi, ujasiriamali na michezo ili kuwajengea msingi mzuri mapema.

Mkuu wa Chuo cha Maendeleo ya Jamii Ufundi, Misungwi CDTTI (Taaluma), Dongo Nzori akizungumza kwenye mahafali ya 35 ya kidato cha nne Shule ya Sekondari ya Wasichana Bukumbi iliyopo Misungwi mkoani Mwanza.

Mkuu wa Chuo cha Maendeleo ya Jamii Ufundi, Misungwi CDTTI (Taaluma), Dongo Nzori akikabidhi cheti kwa mmoja wa wahitimu ambapo mwaka huu 2025, jumla ya wanafunzi 52 wamehitimu kidato cha nne katika Shule ya Sekondari ya Wasichana Bukumbi wilayani Misungwi.

Wanafunzi wa Shule ya Sekondari ya Wasichana Bukumbi wakiwa kwenye mahafali ya 35 ya wakidato cha nne shuleni hapo.

Wahitimu wa kidato cha nne Shule ta Sekondari ya Wasichana Bukumbi iliyopo wilayani Misungwi chini ya Shirika la Masista Wakarmeli Wamisionari wa Mtakatifu Theresia wa Mtoto Yesu (CMSSTCJ).