KITUO CHA ALLIANCE SPORTS ACADEMY CHAWAFUTA KAZI MAKOCHA WAKE WATATU.

NA: JACKTAN MSAFIRI

KITUO CHA ALLIANCE SPORTS ACADEMY CHA JIJINI MWANZA KIMEWAFUTA KAZI  MAKOCHA WAKE WATATU KWA UTOVU WA NIDHAMU AMBAO WAMEKUWA WAKIUONYESHA MARA KWA MARA NA HIVYO KUSABABISHA UTOVU WA NIDHAMU HADI KWA WANAFUNZI.

AKIZUNGUMZA WIKI ILIYOPITA MBELE YA KIKAO CHA WAZAZI KILICHOFANYIKA KATIKA SHULE HIYO MKURUGENZI WA KITUO HICHO JAMES BWIRE ALISEMA HATUA HIYO IMEFIKIWA KUTOKANA NA KUBAINI UTOVU WA NIDHAMU KWA BAADHI YA WANAFUZI AMBAO ULISABABISHWA NA MAKOCHA HAO.

ALISEMA KUWA KAMA KIONGOZI WA SHULE HAWEZI KUONA NIDHAMU YA KITUO HICHO CHA MICHEZO CHA ALLIANCE IKIHARIBIWA NA WALIMU HAO KWA KUWARUBUNI WACHEZAJI KUWA NA NIDHAMU MBAYA NA WENGINE KUWATAFUTIA TIMU NJE YA MAKUBALIANO YA SHULE HIYO.

KATIKA HATUA NYINGINE BWIRE ALIWAFUKUZA PIA WANAFUNZI WANANE KATIKA ACADEMY HIYO NA KUWAPA ONYO WANAFUNZI WENGINE SABA

AIDHA BWIRE ALITANGAZA NAFASI  5 ZA UKOCHA WA DARAJA C KOTE NCHINI KWA WENYE SIFA KUTUMA MAOMBI YAO KWAAJILI YA USAILI ILI WAPATE NAFASI YA KUFUNDISHA KATIKA KITUO HICHO.

NAO BAADHI YA WAZAZI WALIUPONGEZA UONGOZI WA SHULE HIYO KWA KUSIMAMIA NIDHAMU YA WATOTO WAO NA KUAHIDI KUTOA USHIRIKIANO WAO ILI KUHAKIKISHA WATOTO WAO WANAKUWA WACHEZAJI BORA IKIWA NI PAMOJA NA KUFANYA VIZURI KATIKA MASOM  YAO.