WABUNGE WAOMBWA KUSUSIA KUUJADILI MUSWADA WA HABARI BUNGENI MARCH 27 MWAKA HUU.

Edwin Soko (Aliesimama) Mwenyekiti OJADACT. (Picha kutoka Binagi Media Group-Maktaba).

NDUGU WAANDISHI  HABARI NASHUKURU  KWA  KUJA OFISINI KWETU  KUTAKA  KUJUA  MUSTAKABALI WA  TAMKO  LA  SERIKALI  JUU  YA  KUUWASILISHA  MUSWADA  HUO   KWA  HARAKA  PASIPO  KUWAPA  WADAU  MUDA  WA KUUJADILI MUSWADA  HUO.

CHAMA  CHA  WAANDISHI WA  HABARI WA KUPIGA  VITA  MATUMIZI  YA  DAWA  ZA KULEVYA  NA UHALIFU TANZANIA (OJADACT)  TUNAWAOMBA WABUNGE  KUSUSIA  KUUJADILI MUSWADA WA  HABARI   MARCHI  27  MWAKA  HUU  KWA KUWA WADAU WA  HABARI  HAWAJASHIRIKISHWA  KAMA  ILIVYO MISWADA MINGINE.

KITENDO  HICHO  KINATIA   SHAKA  NDANI  YAKE  NA KUMINYA  UHURU KWA WADAU WA HABARI  KUTOA  MICHANGO  YAO  YA  KUBORESHA  MUSWADA   HUO, TUMESHITUSHWA  SANA  NA  TAARIFA  KUWA  MUSWADA  WA SHERIA   YA  KUPATA  HABARI   WA MWAKA  2015  UTAWASILISHWA  BUNGENI   MARCHI 27  MWAKA  HUU , PAMOJA  NA MISWADA  MINGINE  KWA MUJIBU WA   HATI  YA  DHARURA.

NDUGU ZANGU WAANDISHI WA HABARI MUSWADA  HUU  UMEKUWA   UKILILIWA  SIKU  UWASILISHWE  BUNGENI  LAKINI  KABYA  YA  KUFANYA  HIVYO  TULITARAJI  WADAU  WANGEHUSISHWA  ILI  KUUJADILI  NA KUTOA  MAPENDEKEZO  YAO  NA  HATA  SEMINA ELEKEZI KWA WABUNGE  KABLA YA  MAJADILIANO  KAMA INAVYOFANYIKA  KWA MISWADA  MINGINE.

LAKINI HAYO  HAYAJAFANYIKA  NA MATOKEO  YAKE  SERIKALI  IMEFANYA  HARAKA   YA  KUUWASILISHA  BUNGENI  ILI  UJADILIWE  NA  WABUNGE  NA KUPITISHWA, BILA  WADAU  WA  HABARI  KUPATA  NAKALA  YA  MUSWADA  HUO NA KUUSOMA  NA KUTOA  USHAURI.

KWA  TAFSIRI  NYEPESI  HAPA  KUNA JAMBO  TENA  LENYE  NIA  MBAYA  KWA  TASNIA  YA HABARI, HIVYO BASI  TUNAWAOMBA WABUNGE  WOTE  KUUSUSIA  MUSWADA  HUO  KUUJADILI KWA KUWA  UMEKIUKA  TARATIBU  ILI  KUPISHA  WADAU  KUUJADILI    ILI KUFAHAMU  MAUDHUI  YALIYOANDIKWA NDANI  YAKE.

SISI  KAMA   OJADACT  TUNAWASISITIZA  WABUNGE  KUSUSIA  MUSWADA  HUO  ILI  KUSHINIKIZA   SERIKALI  KUTOA  NAFASI   KWA  WADAU WA  HABARI KUUJADILI MUSWADA  HUO  NA KUFAHAMU MAUDHUI   YAKE. 

NA: EDWIN SOKO

MWENYEKITI; OJADACT

MARCH 18, 2015.