MWAMKO WA KUTEMBELEA MAONYESHO YA BIASHARA YA AFRIKA MASHARIKI JIJINI MWANZA WAPUNGUA.

Baadhi ya Wanachi wakihudumiwa katika banda la Kampuni ya Mawasiliano ya Airtel katika Maonyesho ya Biashara ya Afrika Mashariki yanayofanyika katika Viwanja vya DIT Ilemela Mkoani Mwanza.

Na:George GB Pazzo

Wakazi Mkoani Mwanza wamekuwa na Mwamko mdogo wa kutembelea Maonyesho ya kumi ya Kibiashara ya Afrika Mashariki yanayofanyika katika Viwanja vya Chuo cha Dar es salaam Institute of Technology DIT tawi la Mwanza vilivyopo katika Manispaa ya Ilemela.

Baadhi ya Washiriki wa Maonyesho hayo waliozungumza na Radio Metro hii leo wamewasihi wananchi kujitokeza kwa wingi ili kutembelea Maonyesho hayo ambayo yamesheheni bidhaa mbalimbali kutoka ndani na nje ya nchi kwa ajili ya kunufaika na bidhaa zilizopo pamoja na elimu ya namna bidhaa hizo zinavyotengenezwa.

Wameongeza kuwa licha ya maonyesho hayo kuboreshwa mwaka huu ikilinganishwa na miaka iliyopita, bado suala la kiingilio ambacho ni shilingi elfu moja kwa kila mwananchi anaeyatembelea ni miongoni mwa sababu zinazosababisha mwamko huo kupungua.

Juhudi za kuwatafuta waandaaji wa Maonyesho hayo ili kuyazungumzia bado zinaendelea baada ya hii leo kugonga mwamba.

Maonyesho hayo yalianza Agosti 28 wiki iliyopita na yanatarajia kufikia tamati Septemba Nane mwaka huu ambapo lengo lake ni kutoa fursa kwa wafanyabiashara wa nchi za Afrika Mashariki kutangaza bidhaa zao pamoja na kupata fursa ya kubadilishana uzoefu wa kibiashara.

Agness Emmanuel ambae ni Wakala wa Airtel akizungumza na Radio Metro katika nanda la kampuni hiyo akiwahimiza wananchi kutembelea maonyesho ya Biashara ya Afrika Mashariki.

Charles Emmanuel ambae ni Wakala wa Airtel akizungumza na Radio Metro katika nanda la kampuni hiyo akiwahimiza wananchi kutembelea maonyesho ya Biashara ya Afrika Mashariki.

Antonia Mchome ambae ni Afisa Mauzo na Masoko akizungumza na Radio Metro katika banda la kampuni ya Tanganyika Instant Cofee akiwahimiza wananchi kutembelea maonyesho ya Biashara ya Afrika Mashariki.