WAKAZI WA KATA YA ZENZE MANISPAA YA ILEMELA WAILILIA MAHAKAMA YA USULUHISHI WA MIGOGORO.
NA EDWIN SOKO
WAKAZI WA MTAA WA ZENZE, KATA YA KISEKE, MANISPAA YA ILEMELA MKOANI MWANZA, WAMEIOMBA MAHAKAMA YA USULUHISHI WA MIGOGORO YA ARDHI NA NYUMBA KUMALIZA MASHAURI YA MIGOGORO YA ARDHI MAPEMA ILI KUEPUKANA NA MIGOGORO ISIYO YA LAZIMA .
HAYO YALISEMWA NA MWENYEKITI WA MTAA ZENZE, SHIJA NDUNGILE ALIPOKUWA AKIONGEA NA WAANDISHI WA HABARI JUU MGOGORO WA ARDHI ULIOPO KWENYE KATA YAKE BAINA YA BWANA ALOYCE NDAHAZA NA SHIRIKA LA UBORESHAJI WA HUDUMA ZA KIJAMII (MIBOS)
NDUNGILE ALISEMA KUWA, SHAURI LA SHITAKA HILO LIMEDUMU MUDA MREFU KWENYE MAHAKAMA HIYO BILA KUTOLEWA MAAMUZI HALI ILIYOPELEKEA KUKIUKWA KWA AMRI YA MAHAKAMA YA ZUIO LA MAHAKAMA (STOP ORDER) LA UENDELEZAJI WA ENEO HILO KUKIUKWA NA MLALAMIKIWA BWANA ALOYCE NDAHAZA , KWA KUAMUA KUFANYA SHUGHULI KATIKA ENEO HILO KINYUME NA MAAGIZO YA MAHAKAMA.
NGUNGILE ALIONGEZA KUWA, KUFUATIA HALI HIYO ILIMLAZIMU KUIANDIKIA MAHAKAMA BARUA YA UKIUKWAJI WA AGIZO LA MAHAKAMA ILI IWEZE KUCHUKUA SHERIA STAHIKI DHIDI YA BWANA NDAHAZA.
NAYE MWENYENKITI WA KAMATI YA UPIMAJI ARDHI MTAA WA ZENZE BWANA ABDALAH BWILE ALISEMA KUWA, KUMEKUWA NA TABIA KWA BAADHI YA WANANCHI KUTOESHIMU AMRI YA MAHAKAMA YA KUSIMAMISHA UENDELEZWAJI WA MAENENO YENYE MGOGORO KABLA YA MAHAKAMA ZA ARDHI KUTOA MAAMUZI.
PIA AMETOA RAI KWA MAHAKAMA YA USULUHISHI WA ARDHI NA NYUMBA KUJENGA DESTURI ZA KUMALIZA MASHITAKA YA ARDHI MAPEMA IWEZEKANAVYO ILI KUEPUSHA MIGOGORO ISIYOKUWA YA LAZIMA.
KWA UPANDE WAKE BWANA ALOYCE NDAHAZA AMEKILI KUFANYA SHUGHULI ZA KILIMO NA IBADA KWENYE ENEO HILO LA MGOGORO KWA KUDAI KUWA AGIZO LA MAHAKAMA HALIKUAINISHA SHUGHULI ZISIZOPASWA KUFANYWA KWENYE ENEO HILO
BWANA ELIAS SAGAMAMBE MKAZI WA KIJIJI CHA ZENZE AMETOA RAI KWA PANDE ZOTE MBILI KUHESHIMU AGIZO ZA MAHAKAMA LA ENEO HILO KUTOENDELEZWA HADI PALE SHAURI LITAKAPOTOLEWA MAAMUZI NA MAHAKAMA.
No comments: