CHAMA CHA MAPINDUZI CCM MKOANI MWANZA CHAENDELEA KUWANADI WAGOMBEA WAKE.

Katibu wa CCM Mkoa wa Mwanza Miraji Mtaturu (Kushoto) akimtambulisha Mgombea Ubunge wa Chama hicho jimbo la Nyamagana Stanslaus Mabula (Kulia).

 Na:George GB Pazzo

Chama cha Mapinduzi CCM Mkoani Mwanza Wikendi hii kimeendelea kuwanadi Wagombea wa nafasi za Uongozi katika ngazi ya Udiwani, Ubunge na Urais kupitia mikutano mbalimbali ya hadhara.

Katika Mikutano hiyo, Katibu wa chama hicho Mkoa wa Mwanza Miraji Mtaturu anawahimiza Wananchi kuwachagua viongozi bora kwa ajili ya maendeleo yao na kuachana na baadhi ya wagombea wenye nia ya kuvuruga amani ya Taifa ambao wanaomba uongozi kwa majaribio.

Kiswaga Boniventura Destery ni mgombea Ubunge wa CCM kutoka Jimbo la Magu, katika hotuba yake aliyoitoa kwenye Mkutano wa Uzinduzi wa Kampeni za Chama hicho katika jimbo hilo uliofanyika juzi jumamosi alisema kuwa matatizo ya wanamagu anayajua hivyo wamchague awe mbunge wao kwa ajili ya kuishinikiza Serikali kwa ajili ya kuyatatu na kuongeza kuwa kero ya Maji katika jimbo hilo sasa inakwenda kufikia mwisho.

Akiwahutubia wakazi wa Kata ya Buhongwa katika Mkutano wa hadhara uliofanyika jana, Stanslaus Mabula ambae ni Mgombea Ubunge Jimbo la Nyamagana aliwaomba wananchi kumpa ridhaa ya kuwa mbunge wao ili aweze kushirikiana nao katika kuwaletea maendeleo katika sekta za elimu, afya, maji, umeme, miundombinu pamoja na kuondoa kero za ardhi Jijini Mwanza.

BONYEZA PLAY HAPA CHINI KUSIKILIZA RIPOTI KAMILI

Katibu wa CCM Mkoa wa Mwanza Miraji Mtaturu (Kushoto) akimnadi Mgombea Ubunge wa chama hicho Jimbo la Magu Kiswaga Boniventura Destery (kulia).

Katibu wa CCM Wilaya ya Nyamagana Elias Mpanda

Mkuu wa Wilaya ya Nyamagana ambae pia ni Mjumbe wa Kamati ya Siasa Wilaya kutoka Chama cha Mapinduzi CCM Baraka Konisaga akisalimia katika Mkutano wa kuwanadi wagombea jimbo la Nyamagana uliofanyika jana katika Kata ya Buhongwa Jijini Mwanza.

Viongozi mbalimbali wa CCM Mkoani Mwanza

Wananchi na Makada wa CCM Wakifuatilia Mkutano wa CCM uliofanyika jana katika Kata ya Buhongwa