MGOMBEA UBUNGE GEITA KUPITIA CHADEMA AKANUSHA KUHAMIA ACT WAZALENDO.

mgombea ubunge jimbo la Geita kupitia chama hicho Bwana Lodgers Luhega (Kulia) akiwa na Mkewe.

Na:Joel Lyaka

Aliyekuwa katibu wa chama cha Demokrasia na maendeleo CHADEMA mkoa wa Geita ambaye pia ni mgombea ubunge jimbo la Geita kupitia chama hicho Lodgers Luhega,leo amekanusha vikali habari zilizoenea kuwa amehama CHADEMA na kujiunga na chama cha ACT-Wazalendo.

Kauli hiyo imekuja baada ya habari za uvumi kuenea kwenye baadhi ya magazeti na mitandao ya kijamii,akizungumza na Binagi media Group Luhega alisema,

"Ni kwamba kuna uvumi lakini si tu uvumi ulikuwa unavuma lakini leo kuna magazeti yameandika kwamba mimi nimehama Chadema na kwamba ninagombea ubunge kupitia chama cha ACT. Ninakanusha vikali habari hii,mimi Rodgers Luhega bado ni mwanachama hai wa Chadema lakini pia sina kadi ya ACT wala sijawahi kujiunga na ACT wala sijawahi kushiriki kikao chochote cha ACT".

Lakini Binagi Media Group ikaona ni vyema ikautafuta pia uongozi wa ACT mkoa wa Geita ili kulizungumzia suala hilo,Ikongoro Emmanuel ni katibu wa chama cha ACT mkoa wa Geita ambaye kwa kifupi alisema;

"Sisi bado hatujampokea rasmi Rodgers kuwa mwanachama wetu...ila tunamkaribisha kama yupo tayari aje aungane nasi katika kupigania haki na uzalendo...".

Katibu wa ACT Mkoa Geita Ikongoro Emmanuel