Inshu ya wizi wa mitihani imefika kwenye baraza la madiwani Ilemela

Wasiliana na BMG kupitia 0757 43 26 94 ama binagimediagroup@gmail.com kwa huduma za Habari na Mangazo.

Judith Ferdinand, BMG

Jumla ya watahiniwa ,8904 katika Halmashauri ya wilaya ya Ilemela mkoani Mwanza, wanatarajiwa kufanya mtihani wa taifa darasa la saba wa kuhitimu elimu ya msingi unaotarajiwa kufanyika Septemba 03 hadi 06, 2018.

Mkurugenzi wa Halmashauri hiyo, John Wanga aliyasema hayo kwenye kikao cha robo ya nne ya mwaka 2017/18 cha baraza la madiwani na kuongeza kwamba kati ya watahiniwa  8,904 wavulana ni 4195 na wasichana ni 4,709 kutoka shule za msingi 107.

Alisema Halmashauri hiyo imejipanga kuhakikisha hakuna vitendo vya udanganyifu kwenye mtihani huo huku akisifu matokeo ya mtihani wa “MOCK” ambapo halmashauri hiyo ilishika nafasi ya pili kimkoa.

Kwa upande wake Naibu Meya wa Halmashauri hiyo ambaye pia ni diwani wa Kata ya Ilemela, Willbard Kilenzi alisema kuna malalamiko na minong’ono kuhusu baadhi ya shule za binafsi na serikali kufanya udanganyifu katika mitihani ya taifa ili ionekane wanafanya vizuri hivyo ni vyema suala hilo likafanyiwa uchunguni na shule zitakazobainika kufanya udanganyifu zichukuliwe hatua za kisheria.