Mkuu wa Mkoa Mwanza azindua mpango wa uuzaji Matrekta na Zana za Kilimo

Wasiliana na BMG kupitia 0757 43 26 94 ama binagimediagroup@gmail.com kwa huduma za Habari na Mangazo.

Na George Binagi-GB Pazzo, BMG

Mkuu wa Mkoa Mwanza Mhe.John Mongella amezindua programu ya uuzaji wa matrekta na zana za kilimo, unaolenga kuboresha sekta ya kilimo na kuongeza tija  katika uzalishaji wa mazao mbalimbali.

Akizungumza kwenye hafla ya uzinduzi huo iliyofanyika jana katika ofisi za Shirika la Taifa la Maendeleo NDC zilizopo Mkuyuni Jijini Mwanza, Mhe.Mongella aliwataka wakuu wa wilaya na wakurugenzi wa halmashauri kuandaa mkakati wa kununua matrekta hayo ili yakasaidie uzalishaji katika maeneo yao.

Mwenyekiti wa Bodi ya NDC, Dkt.Samwel Nyantale alisema jumla ya matrekta 2,400 yanatarajiwa kuunganishwa na kuuzwa kwa wakulima na taasisi mbalimbali nchini na kwamba utekelezaji huo unatokana na mkopo wa dola milioni 55 kutoka serikali ya Poland kwa serikali ya Tanzania.

Mwakilishi wa Benki ya Kilimo Kanda ya Ziwa, Stepehen Kang’ombe alisema ili kuhakikisha progamu hiyo inafikia malengo yaliyokusudiwa, Shirika la Taifa la Maendeleo NDC limeingia makubaliano na benki hiyo ili kutoa mikopo ya ununuzi wa matrekta na zana za kilimo hivyo mamlaka husika ikiwemo vyama vya ushirika ziwasaidie wakulima kupitia vikundi vyao ili wakidhi vigezo vya kupata mikopo hiyo.

Mkuu wa Mkoa Mwanza Mhe.John Mongella akikata utepe kuashiria uzinduzi wa program ya uuzaji matrekta na zana za kilimo mkoani Mwanza

Mkuu wa Mkoa Mwanza Mhe.John Mongella akizungumza kwenye uzinduzi huo

Mkuu wa Wilaya Sengerema Mhe. Mwl. Emmanuel Kipole akiwasilisha salamu zake kwenye hafla hiyo

Mwenyekiti wa Bodi ya NDC, Dkt. Samwel Nyantale akizungumza kwenye hafla hiyo

Mwakilishi wa Benki ya Kilimo Kanda ya Ziwa, Stepehen Kang’ombe akizungumza kwenye hafla hiyo 

Tazama BMG Online Tv hapo juu