Biteko afanya mazungumzo na wenye nia ya kuwekeza Tanzania
Yaliyomo humu (Habari, Matangazo na Maoni) si msimamo wa Binagi Media Group. Mawasiliano 0757 43 26 94 ama binagimediagroup@gmail.com
Waziri wa Madini, Doto Biteko akimsikiliza Rais wa Kampuni ya Amtec Resources Management Ltd ya nchini Uingereza, Dkt. Peter Gollmer kwenye mazungumzo baina yao jana Jijini Dodoma.
Na Asteria Muhozya, Dodoma
Kamishna wa Madini, Mhandisi David Mulabwa akizungumza wakati wa kikao baina ya Waziri wa Madini, Doto Biteko na Rais wa Kampuni ya Amtec Resources Management Ltd ya nchini Uingereza, Dkt. Peter Gollmer.
Waziri wa Madini, Doto Biteko akizungumza jambo na Rais wa Kampuni ya Amtec Resources Management Ltd ya nchini Uingereza, Dkt. Peter Gollmer. Anayefuatilia ni Mkurugenzi wa Sera na Mipango, Wizara ya Madini, Augustine Ollal.
Waziri wa Madini, Doto Biteko akiteta jambo na Rais wa Kampuni ya Amtec Resources Management Ltd ya nchini Uingereza, Dkt. Peter Gollmer. Kulia wanaofuatilia ni Kamishna wa Madini, Mhandisi David Mulabwa na Katibu wa Waziri, Kungulu Kasongi.
Waziri wa Madini, Doto Biteko jana amekutana na Rais wa Kampuni ya Amtec Resources Management Ltd ya nchini Uingereza, Dkt. Peter Gollmer ambaye amemweleza Waziri Biteko kuhusu ujio wa kampuni zipatazo 3 kutoka mataifa mbalimbali zenye nia ya kuwekeza katika sekta ya madini.
Waziri Biteko aliemweleza Dkt. Gollmer kuwa kikao hicho ni muhimu na kwamba milango kwa ajili ya wawekezaji wenye dhamira ya dhati ya kuwekeza nchini iko wazi na kuongeza kuwa kama wizara inaratajia kukutana na kampuni hizo.
Naye Dkt. Gollmer alisema kampuni hizo zimeonesha nia ya kuwekeza katika sekta ya madini hususan katika masuala ya utafiti na uchimbaji wa madini kutokana na ushawishi unaofanywa na Balozi wa Tanzania nchini Urusi Meja Jenerali Mstaafu Simon Mumwi ambaye amekuwa akihamasisha watu wa mataifa mbalimbali nchini humo kuwekeza nchini.
Pia alieleza kwamba kampuni hizo hazina shaka ya kuwekeza Tanzania kutokana na mazingira tulivu ya kisisasa yaliyopo nchini pamoja na utajiri wa rasilimali madini ambayo Tanzania imejaliwa kuwa nayo.
Wengine walioshiriki kikao hicho ni Kamishna wa Madini, Mhandisi David Mulabwa, Mkurugeni wa Idara ya Sera na Mipango, Augustine Ollal pamoja na Katibu wa Waziri Kungulu Kasongi.
No comments: