DIWANI WA KATA YA MBUGANI JIJINI MWANZA AELEZA MENGI KABLA YA KUTANGAZA NIA YA KUGOMBEA.

Kushoto ni GB  Pazzo ambae ni C.E.O wa Mtandao huu na Mtangazaji/ Mwandishi Radio Metro akizungumza na Diwani wa Kata ya Mbugani Jijini Mwanza (Chadema) Hassa Hashim Kijuu (Kulia).

 Na:George GB Pazzo

Diwani wa Kata ya Mbugani (Chadema) Jijini Mwanza Hassan Kijuu amesema kuwa katika kipindi cha Miaka Mitano ya Uongozi wake unaoelekea Ukingoni, ameweza kuibadili Kata hiyo kimaendelea katika sekta mbalimbali.

Kijuu alitoa Kauli hiyo jana wakati akizungumza na Radio Metro kupitia Kampeni ya Mtaa kwa Mtaa, kuhusu namna alivyosimamia shughuli za Maendeleo katika uongozi.

Alisema kuwa wakati anaingia madarakani mwaka 2010, Kata ya Mbugani ilikuwa ilikuwa inakabiliwa na changamoto nyingi za kimaendeleo ambapo asilimia kubwa ya changamoto hizo zimekwisha tatuliwa huku chache zilizobaki zikiwa katika Mikakati ya kutafutiwa ufumbuzi.

Alizitaja baadhi ya Changamoto hizo kuwa ni pamoja na kuboresha sekta ya Elimu, Maji, Umeme, Ujenzi wa Vivuko katika Mto Mirongo, huku akifafanua kuwa changamoto za Mafuriko katika eneo la Mabatini pamoja na ukarabati wa baadhi ya miundombinu ya barabara katika Kata hiyo bado zinaendelea kutafutiwa ufumbuzi.

Kijuu alibainisha kuwa amesimamia vyema suala la ujenzi wa Vyoo bora katika shule zote tisa za Msingi katika Kata ya Mbugani ikiwa ni pamoja na kuhakikisha kuwa shule hizo zinaondokana na tatizo la Upungufu wa Madawati uliokuwa ukizikabili hapo awali.

Katika hatua nyingine Kijuu alitanabaisha kwamba anatarajia kutetea nafasi yake ya uongozi baada ya kupokea maombi kutoka kwa wakazi wa Kata ya Mbugani ambao wamemuomba achukue fomu ya kugombea udiwani katika Kata hiyo kwa lengo la kuendelea kuwatumikia katika awamu nyingine ya uongozi ijayo.

Kushoto ni Alphonce Tonny Kapela ambae ni Mtangazaji na Mkuu wa Vipindi Radio Metro akizungumza na Diwani wa Kata ya Mbugani Jijini Mwanza (Chadema) Hassa Hashim Kijuu (Kulia).

Kushoto ni Alphonce Tonny Kapela ambae ni Mtangazaji na Mkuu wa Vipindi Radio Metro akizungumza na Diwani wa Kata ya Mbugani Jijini Mwanza (Chadema) Hassa Hashim Kijuu (Kulia).

Credit:Radio Metro